Tekster: Davide Van De Sfroos. E Semm Partii. Kapitan Kurlash.

Tarabaj, reguaj, gran catanaj,
l'e una bala che la gira e che se ferma mai,
l'unda la pica, la bagna la spiagia,
smagia de culuu in una tola de acquaragia,
un urelogg in crapa per datt la sveglia,
te regalen el buscion e porten via la buteglia,
hann blucaa l'apucaliss perche guga l'Italia
e adess i fantasmi i enn in giir con la vestaglia....
Spuden la brogna e majen la gianda
tiren fo un fulcen che l'e un punto de dumanda,
pensiunaa cun scia la spada cume Napuleon
quaand che vann in posta a ritira la pension,
suldaa che specen i Marziani in mudanda,
Profeti che i crumpen la Bibbia alla Standa....

Vieni a salvarci Kapitan Kurlash
cui to ceentmila mann, cui to ceentmila brasc,
fa desmett de pioov nel mees de magg,
adess che semm'i'stracch de curr portegh in brasc...

E alura bon, tira, mola, messeda,
buta in aria la tua vita cume una muneda,
chissa se vee fo testa, chissa se vee fo cruus,
chissa se la se s'cepa gio de mezz cume una nuus...
Quaand che gh'e la malparada tirum fo la pastiglia,
Fata Paguura l'ha metuu so famiglia,
e vorum un Arcangel che sona anca l'arpa,
ghe demm una pesciada e l'e culpa della scarpa...
La sfera del magu l'e piena de grapa
ho dii un'Avemaria e me fa maa ancamo la crapa,
se pogium al muur cume sacch de la rudera,
vurerissum cagna tucc ma gh'emm pio gnaa la dencera
hemm faa tremila giir e adess che hemm rutt la giustra
adess... parla pio gnaa el Zarathustra

Vieni a salvarci......

E dopu curr, cun un piranha deent nella sacocia,
e una cuscienza che g'ha de fa la docia
e sempru pussee in pressa ma varda te che bell,
metum so el casco ma se tirum via el cervell,
amore a microonde con il cuore nel forno
e l'anima sarada in un cinema porno,
chi naviga in crociera nel maar dell'internet,
che nega in de l'acqua in sol fuund del gabinett,
e chi che g'ha un bazooka nella bursa della spesa,
chi g'ha el tatuaggio con Madre Teresa,
Mater Sospiriorum Mater Tenebrarum
rusari, mitra e po dopu sparum,
Mater Tenebrarum Mater Sospiriorum
pregum tucc basta che i faghen quell che vorum
basta che i faghen quell che vorum